loading
_

ƏMƏKDAŞLIQ

Satınalma hər hansı işin icrası ilə bağlı mal və xidmətlərin satın alınmasını bazardan tələb etmək üçün hazırlanmış strukturlu bir prosedurdur. Bir satınalma prosedurunun məqsədi:

  • mümkün bazar iştirakçılarının cəlb olunmasını təmin etmək;
  • təklif olunan satınalmanın şəffaflığını qorumaq;
  • lazım olan keyfiyyətdə xidmət və işləri mümkün olan ən yaxşı qiymətə əldə etməkdir.
_

Satınalmalarda necə iştirak etmək olar?

Hal-hazırda icra olunan və gələcəkdə icrası nəzərdə tutulan layihələrdə mülki tikinti (dəmir-beton), mexanik və elektrik sistemlərinin təchizi və quraşdırılması, daxili bəzək işlərinin yerinə yetirilməsi və s. üzrə PMD Projects yerli bazarın ixtisaslı şirkətlərini gələcək əməkdaşlığa dəvət edir.

Bununla bağlı şirkətlər, PMD Projects-in satınalmalar departamentinin e-mail ünvanına (procurement@pmdprojects.az) özləri haqqında qısa məlumat göndərməklə, həmçinin, +994 012 505 04 00 telefon nömrəsi ilə əlaqə saxlamaqla təchizatçılar siyahısına qatılıb, növbəti layihələrdə iştirak niyyətlərini bildirə bilərlər.

_

İxtisas uyğunluğunun müəyyənləşdirilməsi üzrə sənədlər toplusunu buradan əldə edə bilərsiniz.

PMD Projects 3-cü dəfə Satınalmalar Seminarı keçirir

“PMD Projects” MMC layihələrin planlaşdırılması, idarə olunması və inkişaf etdirilməsi sahəsində fəaliyyət göstərir. “PMD Projects” MMC daxili bazarda fəaliyyət göstərən səriştəli şirkətlərlə əməkdaşlığı gücləndirmək, həyata keçirilən yaşayış binaları və biznes mərkəzləri, otellər, kənd təsərrüfatı təyinatlı obyektlərin tikintisi, təmir-bərpası işləri üzrə layihələrə yeni şirkətləri cəlb etmək və ümumiyyətlə  “PMD Projects” MMC haqqında, onunla əməkdaşlığın yolları və prosedurları barədə ətraflı məlumat vermək məqsədilə 2019-cu ilin noyabr ayında sayca üçüncü dəfə Satınalmalar Seminarı təşkil edəcək.

Dəvət olunan şirkətlərin sayının çox olduğunu və yer məhdudiyyətini nəzərə alaraq tədbirdə hər şirkətdən 1 nəfər səlahiyyətli nümayəndənin iştirakı nəzərdə tutulur. Xahiş edirik sözügedən tədbirdə iştirak etmək üçün 1 noyabr 2019-cu il tarixinədək aşağıdakı keçiddən Qeydiyyat Formasını yükləyərək və dolduraraq saadat.abadova@pmdprojects.az elektron poçt ünvanına təqdim edəsiniz. Tədbirdə iştirakla bağlı Qeydiyyat Formasını daha tez göndərən şirkətlər üçün yerlər sifariş olunacaq.